«Lebapawtoulag» önümçilik birleşiginiň sürüjileri ýolagçylara edilýän hyzmatyň talabalaýyk guralmagy ugrunda tutanýerli zähmet çekýärler. Ýolagçylary barmaly menziline çalt ýetirýän taksi ulaglarynyň sürüjileri hem ilata göreldeli hyzmat edýärler.
Önümçilik birleşiginde taksi ulaglarynyň 89-sy her gün iki iş çalşygynda Türkmenabat şäheriniň we Çärjew etrabynyň çäginde ýolagçylary gatnadýarlar. Taksileriň çalt hyzmatyndan peýdalanýanlaryň sany köpelýär. Geçen ýylyň dowamynda ulagyň şu görnüşinde ýolagçylara 2 million 721 müň manatlykdan gowrak hyzmat edildi. Ulaglaryň ählisi daşary ýurtlaryň meşhur awtomobil kompaniýalarynyň ýeňil ulaglarydyr.
